Chempionlar ligasining chorak final bosqichi ortda qoldi, ya'ni Evropa futbolining asosiy klub sovrini uchun kurashni atigi to'rtta jamoa davom ettirmoqda. Yarim finalchilarning birinchi juftligi "Arsenal" va "PSJ," ikkinchi juftligi esa "Barselona" va "Inter"dan iborat bo'ldi.

Qizig'i, "Arsenal" va "PSJ" tarixda hech qachon Chempionlar Ligasi kubogini qo'lga kiritmagan. Bu jamoalar bir martadan finalda o'ynashgan, ammo u erda mag'lub bo'lishgan. "Arsenal" 2006 yilda finalda "Barselona"ga (1:2), "PSJ" esa 2020 yilda "Bavariya"ga (0:1) yutqazgandi.

"Barselona" besh marta, "Inter" uch marta Evropa chempionlari kubogini qo'lga kiritgan.