"Barselona" bosh murabbiyi Xans-Diter Flik Chempionlar Ligasi chorak finalida "Borussiya" Dortmundga (3:1) yutqazgani uchun juda g'azablangan. Futbolchilar o'zlarining dahshatli darajada yomon o'yinlarini tan olishdi.

Mundo Deportivo nashri xabariga ko'ra, o'yin arafasida 60 yoshli mutaxassis jamoani g'alaba uchun o'ynashga undamoqchi bo'lgan va birinchi o'yindagi g'alabali natijani (4:0) unutishga uringan, biroq baribir o'yin davomidagi xatolar sonidan hayratda qolgan, shu bois u yana qat'iy intizomni qaytarishni rejalashtirmoqda. "Ko'k-anorranglilar" ustozi "Selta" va "Malorka"ga qarshi o'yinlarda g'alaba qozonib, jamoaga o'z kuchiga bo'lgan ishonchni qaytarish va "Real"ning La Ligada ularga yaqinlashishiga yo'l qo'ymaslik uchun harakat qilmoqda.

Eslatib o'tamiz, "Barselona" Chempionlar ligasi yarim finalida "Inter"ga qarshi bahs olib boradi. O'yinlar 30 aprel va 6 may kunlari bo'lib o'tadi.