"Barselona" bosh murabbiyi Xans-Diter Flik Kataloniya klubidagi kelajagi haqida gapirdi. Nemisning shartnomasi 2026 yilning yozida yakuniga etadi.

"O'ylaymanki, kelasi yil jamoani boshqaraman, ha. Kelgusi mavsum oxirigacha shartnomam bor. Men bu erda bo'lganimdan, "Barsa"ga murabbiylik qilayotganimdan juda xursandman. Men bu jamoani yaxshi ko'raman. Hozir bu haqda gapirishning vaqti emas. Biz maqsadimizga e'tibor qaratganmiz va bu klubdagi o'rnimdan muhimroq. Biz kelajakda nima bo'lishiga e'tibor qaratganimiz yo'q", - dedi Flik matbuot anjumanida.

“Barselona” 30 aprel, chorshanba kuni Chempionlar ligasi yarim finalida “Inter”ga qarshi o'ynaydi.