Portugaliya terma jamoasi va "Manchester Siti"ning hujumkor yarim himoyachisi Bernardu Silva joriy mavsum yakunlangach jamoasini o'zgartirmoqchi. Bu haqda Todofichajes portali sahifalarida ma'lum qilindi.

Manbaga ko'ra, 30 yoshli futbolchi Kataloniyaning "Barselona" klubiga o'tishga qiziqmoqda. Potentsial transfer qiymati 58-60 million evroga baholanmoqda. Bu kelishuvni amalga oshirish uchun "ko'k-anorranglilar" o'z o'yinchilaridan biri bilan xayrlashishiga to'g'ri keladi.

Bernardu "shaharliklar" safida 2017 yilning yozidan buyon to'p tepib kelmoqda. Yarim himoyachining mehnat shartnomasi 2026 yil iyun oyi oxirida tugaydi.