Chempionlar Ligasi yarim finali javob uchrashuvida “Inter” o'z maydonida “Barselona”ni qabul qilmoqda. Birinchi taym yakunlanganda hisob 2:0.

Taymning oxirida “Inter” hujumchisi raqib jarima maydoniga kirib borgan paytda, mehmonlar himoyachisi Pau Kubarsi uni "podkat" bilan to'xtatdi. Hakam Shimon Marchinyak avvaliga folni qayd etmadi, ammo VAR maslahati orqali epizodni qayta ko'rib chiqdi va penalti tayinladi.

11 metrlik jarima zarbasini Xakan Chalxano'g'li aniq amalga oshirdi — u to'pni o'zidan chap burchakka aniq yo'lladi.