Kataloniyaning “Barselona” jamoasi Chempionlar Ligasi yarim finali javob uchrashuvida Milanda “Inter”ga 3:4 hisobida mag'lub bo'lib, musobaqa finaliga chiqa olmadi. O'yindan so'ng jamoa bosh murabbiyi Xansi Flik hakamlik borasida o'z noroziligini bildirdi.

Germaniyalik mutaxassisga ko'ra, bahsli vaziyatlarning barchasi polyak hakam Shimon Marchinyak tomonidan “Inter” foydasiga talqin qilingan.

“Bahsli vaziyatlarning barchasi bizga qarshi hal qilingani meni xafa qildi”, — dedi Flik uchrashuvdan so'nggi intervyuda.