Xansi Flik boshchiligidagi “Barselona” jamoasi joriy mavsumda Chempionlar Ligasida 24 ta gol o'tkazib, o'z klub tarixidagi antiqa rekordni yangiladi. Kataloniyaliklar yarim final javob uchrashuvida “Inter”ga 3:4 hisobida yutqazdi (birinchi o'yin — 3:3).

Bundan avvalgi rekord 1999/2000 mavsumda qayd etilgan bo'lib, o'shanda jamoa 23 ta gol o'tkazgan edi. 2001/02 mavsumda esa “blaugrana” 20 ta golni qabul qilib olgan.

Qayd etish joizki, joriy mavsumdan Chempionlar Ligasi yangi formatda o'tkazila boshladi: umumiy bosqichda jamoalar 8 ta o'yin o'tkazadi, avvalgi formatda esa guruh bosqichida 6 ta o'yin bo'lardi.