«Barselona» hujumchisi Karles Peres «Roma»ga o'tdi. Rimliklar uni mavsum oxiriga qadar ijaraga olishdi. "Bo'rilar" ispaniyalik futbolchining ijarasi uchun "ko'k-anorranglilar"ga 1 million evro to'lashadi. Shuningdek, kelishuvga ko'ra "Roma" keyinchalik futbolchining transferini 11 million evroga sotib olishi ham mumkin. Rimliklar rasmiy sayti tarqatgan xabarga ko'ra, Peres ma'lum natijalarga erishgan taqdirda futbolchining transferi sotib olinadi.Mundo Deportivo tarqatgan xabarga ko'ra, 21 yoshli futbolchiga «Bavariya», Dortmundning «Borussiya»si va «Sevilya» da'vogarlik qilishgan edi.Peres «Barsa» tarbiyalanuvchisi hisoblanadi. U 2019 yilning may oyida asosiy jamoa safida debyut qilgan edi. Shundan beri u 13ta o'yinda maydonga tushib, 2ta gol urdi va 3ta golga uzatma berdi. Uning transfer narxi 10 million evroga baholangan.