"Barselona" vitse-prezidenti Rafa Yuste yozda jamoa asosiy e'tiborini hozirgi o'yinchilarni saqlab qolishga qaratishini ma'lum qildi.

"Yozgi transfer oynasidagi rejamiz — hozirgi tarkibni saqlab qolish va faqat bir nechta kichik o'zgarishlar qilish. Maqsadimiz — asosiy futbolchilar, xususan Pedri, Gavi, Lamin Yamal, Frenki de Yong va boshqalarni jamoada ushlab qolish. Shu bilan birga, kerakli pozitsiyalarga ehtiyotkorlik bilan qo'shimchalar kiritamiz", - dedi Yuste.

Kecha kataloniyaliklar La Ligada muddatidan avval chempionlikni naqd qilgandi.