1992 yilning 20 may sanasi Kataloniyaning "Barselona" klubi tarixiga oltin raqamlar bilan abadiy yozildi - shu kuni Yoxan Kroyff jamoasi o'z tarixida ilk bor Chempionlar ligasida g'olib chiqdi.

Bu Londonda 6 yil oldin sodir bo'lishi mumkin edi, ammo o'sha paytda, 1986 yilda "Barsa" Ruminiyaning "Styaua" jamoasiga finalda yutqazdi. 1992 yilda unga o'sha paytda Italiya chempioni bo'lgan "Sampdoriya" raqiblik qilgan.

Uchrashuvning dastlabki 90 daqiqasi nursiz durang bilan yakunlangan bo'lsa, qo'shimcha bo'limlarda Ronald Kuman jarima zarbasidan to'pni darvozaga yo'lladi.

"Barselona" o'z tarixida birinchi marta Chempionlar kubogini qo'lga kiritdi va bir necha oydan so'ng turnir o'z nomini Chempionlar ligasiga o'zgartirdi.