"Barselona" yarim himoyachisi Frenki de Yong yakunlanayotgan mavsum haqidagi fikrlari bilan o'rtoqlashdi. Jarohat tufayli niderlandiyalik oktyabrgacha maydonga tushmadi.

"Jiddiy jarohat tufayli juda qiyin boshlangan mavsumni shu tarzda yakunlash yoqimli. Jamoa bilan uchta sovrin yutib, sevimli o'yinimdan zavq oldim.

Jismoniy va ma'naviy jihatdan og'ir yo'l ortda qoldi, lekin baxtimga, mavsum davomida qiyin damlarda meni qo'llab-quvvatlagan va ishongan oilam va do'stlarim doimo yonimda bo'ldi. Men sizsiz bunga erisha olmasdim," - deb yozdi de Yong ijtimoiy tarmoqda.