"Barselona" sport direktori Deku yaqinda klubning "Liverpul" futbolchisi Luis Dias va "Manchester Yunayted" futbolchisi Markus Reshford kabi Premer-liga futbolchilariga qiziqishi haqida gapirdi. Bu haqda Kataloniya jamoasi bosh murabbiyi Xans-Diter Flik fikr bildirdi.

"Jamoamizda bo'lmagan futbolchilar haqida gapirishni istamayman. Lekin ularning ikkalasi ham ajoyib, menga yoqadi. Ular fantastik o'yinchilar. Ko'ramiz nima bo'lishini", - dedi Flik matbuot anjumanida.

Oldinda “Barselona”ni “Atletik Bilbao”ga qarshi Ispaniya chempionatining so'nggi tur uchrashuvi kutib turibdi. Jamoalar 25-may, yakshanba kuni maydonga tushadi.