"Barselona" vingeri Lamin Yamal klub bilan yangi shartnoma imzolashga rozi bo'ldi.

Dushanba kuni tomonlar shartnomaning barcha shartlarini hal qilishdi, deydi insayder Fabritsio Romano o'z hisobotida. Kelishuv 2031 yilgacha mo'ljallangan. 17 yoshli vunderkind seshanba kuniyoq hujjatlarni imzolaydi.

Lamin Yamal o'tgan mavsumda barcha musobaqalarda 55 ta o'yinda maydonga tushib, 18 ta gol urdi va 25 ta golli uzatmani amalga oshirdi. Yosh yulduzning amaldagi shartnomasi kelasi yili tugaydi.