Nufuzli Goal portali jurnalistlari Evropaning 2024/2025 yilgi mavsum yakunidagi eng yaxshi futbolchilari reytingini tuzib chiqdi.

Dastlabki ikki qatorni “Barselona” qanot hujumchilari mos ravishda Lamin Yamal va Rafinya egallab turibdi. Ular yaqinda Kataloniya klubi bilan shartnomalarini uzaytirishdi. “Ko'k anorranglilar” mavsum yakunida Ispaniya chempionligi, Ispaniya kubogi va Ispaniya Superkubogini qo'lga kiritdi.

Kuchli uchlikni “Liverpul” hujumchisi Muhammad Saloh yakunlab berdi. Misrlik futbolchi mavsumni ajoyib o'tkazdi va "Liverpul"ga so'nggi besh yil ichida birinchi marta Angliya chempioni bo'lishiga yordam berdi.