«Barselona» yarimhimoyachisi Lamin Yamal Millatlar Ligasi yarim finalida Ispaniya hamda Frantsiya terma jamoalari o'rtasidagi o'yin arafasida yilning eng yaxshi futbolchisiga beriladigan «Oltin to'p» sovrini haqida fikr bildirdi. Ispaniyalik futbolchiga ko'ra, ushbu mukofot uchun asosiy raqobatchilardan biri frantsuz hujumchisi Usmon Dembele hisoblanadi.— Siz kim uchun ovoz berasiz: mavsumning eng yaxshi futbolchisigami yoki payshanba kuni g'alaba qozonadigan jamoa o'yinchisigami?— Menimcha, Dembele yil davomidagi eng yaxshi futbolchi bo'ldi, lekin har kimning bu borada o'z qarashi bor. Payshanba kuni g'alaba qozonishimizga ishonaman. Biroq kim g'alaba qozonishidan qat'i nazar, men yilning eng yaxshi futbolchisiga ovoz beraman.Agar payshanba kuni biz — men va Dembele xohlagandek bo'lmasa, unda kimga ovoz berasiz? Yakshanba kuni (finalda) o'ynaydigan futbolchigami? Menimcha, «Oltin to'p» yilning eng yaxshi futbolchisiga berilishi kerak. Agar odamlar hammasini payshanba kungi o'yinga bog'lab qo'ymoqchi bo'lsa, shunday bo'la qolsin, — deya Yamalning so'zlarini keltirmoqda ESPN.Eslatib o'tamiz, Ispaniya va Frantsiya o'rtasidagi o'yin ertaga bo'lib o'tadi. Uchrashuv 00:00 da boshlanadi.