Luis Diasning aytishicha, u boshqa klublar bilan gaplashmoqda, lekin "Liverpul"da baxtli.

"Men "Liverpul"da juda baxtliman. Klub birinchi kundanoq menga yaxshi munosabatda bo'ldi. Biz boshqa klublar bilan gaplashyapmiz. Hozir transfer oynasi ochiq va bu normal holat.

Agar "Liverpul" shartnomani uzaytirishni taklif qilsa yoki qolgan ikki yil qolishim kerak bo'lsa, xursand bo'laman. Bu ularga bog'liq", - dedi "Liverpul" vingeri.

Oldinroq "Barselona" Diasning transferini muhokama qilish uchun "Liverpul" bilan bog'langani, biroq inglizlar uning sotilmasligini aytishgandi. Keyinroq kataloniyaliklar futbolchi uchun kurashdan voz kechgani xabar qilingandi. Ta'kidlanishicha, "An-Nasr" Dias uchun "Liverpul"ga 85 million evro taklif qilishga tayyor.