Ispaniyaning “Barselona” klubi sport direktori Deku kataloniyaliklar safida Vitor Roke va “Real” safida Endrikning o'yinlariga qiyosiy izoh berdi.

Roke "Barselona"ning asosiy tarkibiga kira olmadi va Braziliyaning "Palmeyras" jamoasiga sotildi.

"Vitor Roke bilan shartnoma imzolash qarorini Xavi qabul qilgan. Bu mavzudagi suhbatlarning mazmuni uning imkon qadar tezroq moslashishi edi.

Lekin bu futbol. Evropada o'z o'rningni topib ketish har doim qiyin.

Endrik madridliklar safida ko'proq o'yin o'tkazdi, lekin u ham o'zini ko'rsatish uchun kam imkoniyatga ega edi", - deya Dekuning so'zlarini keltiradi Globo Esporte.