"Barselona" Jerar Martin bilan xayrlashib, chap qanot himoyasiga yangi futbolchi olib kelishi mumkin. "Ko'k-anorranglilar" 23 yoshli futbolchi bo'yicha transfer takliflarini eshitishga tayyor, ammo uni o'z xohishiga qarshi sotib yubormaydi - uning ketish-ketmasligini lateralning o'zi hal qiladi, deb yozadi jurnalist Xoakim Pera. Agar Martin baribir jamoani tark etsa, Kataloniya grandi "Bayer"dan Alexandro Grimaldo yoki "Monako"dan Kayo Enrikeni o'z safiga qo'shib olishga harakat qiladi.

Transfermarkt portali 29 yoshli Grimaldoning narxini 30 mln evroga baholamoqda. 27 yoshli Kayoning narxi - 15 mln evro.