Kataloniyaning "Barselona" klubi darvozaboni Mark-Andre ter Shtegen Istanbulning "Galatasaroy" klubi rahbariyati bilan muzokaralar olib bormoqda.

Manbaga ko'ra, turk grandi 33 yoshli germaniyalikka yillik maoshi besh million evro bo'lgan mehnat shartnomasini taklif qilgan. "Galatasaroy" darvozabonni to'laqonli transfer qilish va ijaraga olish variantini ko'rib chiqmoqda.

Ter Shtegen "ko'k-anorranglilar" bilan 2028 yil o'rtalarigacha mehnat majburiyatlari bilan bog'langan. Uning bozor qiymati 12 million evroni tashkil etadi.