Kolumbiyalik futbolchi "ko'k-anorlilar"ning chap qanot hujumi uchun asosiy maqsadi hisoblanadi. 

"Diario Sport" nashrining yozishicha, "Barselona" Dias uchun 60 million evrodan ortiq to'lamaydi. Kataloniya klubi o'yinchining yoshini (28 yosh) hisobga olgan holda, bu narxni adolatli deb hisoblayapti. "Liverpul" esa hamon 80 million evro talab qilmoqda.

Luis Dias hozirgi shartnomasi bo'yicha "Liverpul"da yiliga taxminan 3,5 million evro maosh oladi va agar "qizillar" bilan kelishuvga erishilsa, "Barselona" futbolchiga yanada qulay shartlarni muammosiz taklif qila oladi.