"Barselona" darvozaboni Mark-Andre ter Shtegen jamoa bosh murabbiyi Xans-Diter Flik bilan yaxshi munosabatda emas.

"Ko'k-anorranglilar" sardor bilan xayrlashib, uning o'rniga yangi darvozabon - "Espanol" darvozaboni Joan Garsiyani sotib olishga qaror qildi. 33 yoshli futbolchi klubni tark etish niyatida emas, biroq uning Flik bilan munosabatlari yaxshi emas - ularni "juda sovuq" deb ta'riflash mumkin, deb yozadi jurnalist Alfredo Martines. Darvozabonning kelajagi noaniq bo'lib qolmoqda.

Mark-Andre ter Shtegenning "Barselona" bilan shartnomasi 2028 yilgacha mo'ljallangan. Germaniyalik futbolchiga "Galatasaroy" qiziqish bildirmoqda, ammo mish-mishlarga ko'ra, futbolchi Turkiyaga ko'chib o'tishdan bosh tortgan.