"Barselona" sport direktori Deku jamoa yarim himoyachisi Frenki de Yong bilan shartnoma uzaytirilishi mumkinligi haqida fikr bildirdi.

"Hozir bu biz ko'rmoqchi bo'lgan de Yong. Biz uning biz bilan qolishini istaymiz. Uning biz bilan yana bir yil shartnomasi bor va biz hamma narsani xotirjam tahlil qilamiz", - deya Deku so'zlarini keltiradi La Vanguardia.

Oldinroq niderlandiyalik futbolchi "Barselona" bilan yangi mehnat shartnomasi imzolash niyatida ekani haqida xabarlar tarqalgan edi.

Joriy mavsumda 28 yoshli de Yong barcha turnirlarda 46 ta uchrashuvda maydonga tushib, 2 ta gol urdi va 2 ta golli uzatmani amalga oshirdi.