"Barselona" markaziy himoyachisi Ronald Arauxo yana "Yuventus" qiziqishlari doirasiga tushib qoldi.

Yil boshida urugvaylik "ko'k-anorranglilar" bilan yangi uzoq muddatli shartnoma imzolagan edi, ammo mish-mishlarga ko'ra, klub uni sotishni ko'rib chiqishga tayyor. Jurnalist David Bernabeuning ma'lum qilishicha, 26 yoshli futbolchini "Yuventus" o'z safiga qo'shib olmoqchi. Turinliklar vakillari urugvaylik uchun taxminan 25-30 mln evro taklif qilishni rejalashtirmoqda.

Ronald Arauxo o'tgan mavsum "Barselona" safida 25 ta o'yinda maydonga tushib, 2 ta gol va 2 ta assistni o'z hisobiga yozdirib qo'ydi.