"Barselona" prezidenti Joan Laporta jamoa yarim himoyachisi Frenki de Yongning kelajagi mavzusiga izoh berdi.

Amaldagi shartnoma 28 yoshli niderlandiyalik futbolchini kataloniyaliklar bilan 2026 yilning yarmigacha bog'lab turadi.

"Biz Frenkining bu erda ko'p yillar o'tkazishini istaymiz, chunki u jamoamizning asosiy futbolchisi. U bilan shartnomani uzaytirish jarayoni jadval bo'yicha ketmoqda va tez orada bizda yangiliklar bo'ladi," - deya Laportaning so'zlarini keltiradi Goal portali.

Frenki de Yong "Barselona"da olti mavsum o'tkazdi. Bu vaqt ichida niderlandiyalik 259 ta o'yinda maydonga tushib, 19 ta gol va 23 ta golli uzatmani o'z hisobiga yozdirib qo'ydi.