"Barselona"ning iste'dodli vingeri Lamin Yamal 2024/2025 yilgi mavsumdagi eng sevimli onini aytdi. Futbolchi mehmonda "Real" ustidan qozonilgan yirik hisobdagi g'alabani alohida ta'kidladi.

"O'tgan mavsumdagi eng sevimli lahzam? "Bernabeu"dagi 4:0 hisobidagi g'alaba," - deya Yamalning so'zlarini keltiradi jurnalist Fabritsio Romano.

"Real" va "Barselona" o'rtasidagi o'yin "Santyago Bernabeu"da 26 oktyabr kuni bo'lib o'tdi. Kataloniyaliklar ikkinchi bo'limda javobsiz to'rtta gol urishdi - Robert Levandovski dubl qayd etdi, Lamin Yamal va Rafinya bittadan gol urishdi.