Ko'rinib turibdiki, himoyachi Ronald Arauxo "Barselona"da o'ynashda davom etadi. Arauxoning shartnomasini 1 iyuldan 15 iyulgacha 60 million evroga sotib olish mumkin.

Urugvaylik futbolchining aniq takliflari yo'q va u allaqachon mavsumoldi tayyorgarlik ko'rmoqda. Umuman olganda, Arauxo hech qaerga ketmaydi, deyishga barcha asoslar bor. Bu haqda Mundo Deportivo xabar bermoqda.

Arauxoning "Barselona" bilan amaldagi shartnomasi 2031 yilning o'rtalariga qadar amal qiladi. 26 yoshli futbolchi klubga ertaroq qaytdi va individual dastur ustida ishlay boshladi. Shu tariqa Ronald yangi mavsumda "Barselona"ning asosiy tarkibidan joy olish uchun kurashish niyatida ekanligini ko'rsatdi.