"Real"ning sobiq futbolchisi Toni Kroos "Barselona" vingeri Lamin Yamalning istiqbollari haqida gapirdi.

Yaqinda o'zining 18 yoshini nishonlaydigan ispaniyalik yosh, Xans-Diter Flik qo'l ostida "blaugrana"ning asosiy yulduzlaridan biriga aylandi.

"Men har doim futbol karerasi marafon deb aytaman. Keling, kelgusi mavsumlarda Yamal bilan nima sodir bo'lishini, maydondan tashqarida sodir bo'layotgan har bir narsaga qanday munosabatda bo'lishini ko'ramiz. Muvaffaqiyat nafaqat o'yinga, balki futboldan tashqari omillarga ham bog'liq. Bu juda muhim. Hayotning turli jabhalarini nazorat qila bilish kerak", - deydi Kroos.

Germaniyalik sobiq yarim himoyachi o'tgan yozda faoliyatini yakunlagandi.