Sevilyaning «Betis» klubi hujumchisi Abde Ezzalzuli Ispaniya chempionatini tark etib, faoliyatini Angliya Premer-ligasining top-klubida davom ettirishi mumkin. Bu haqda Fichajes jurnalistlari xabar bermoqda.

Manba bergan ma'lumotlarga ko'ra, «Liverpul» futbolchini o'z safiga qo'shib olishga qiziqish bildirmoqda. Mersisayd klubi rahbariyati 24 yoshli marokashlik o'yinchining transferi uchun 60 million evro ajratishga tayyor. Aynan shu miqdordagi mablag' uning shartnomasida tovon puli sifatida ko'rsatilgan.

Ispaniya chempionatining joriy mavsumida Abde 24 ta uchrashuvda maydonga tushdi. U o'z hisobiga 7 ta gol va 7 ta golli uzatmani yozdirib qo'ydi. Uning amaldagi mehnat shartnomasi 2029 yilning iyun oyi yakuniga qadar mo'ljallangan.