"Barselona" bosh murabbiyi Xans-Diter Flik "Manchester Yunayted"dan angliyalik hujumchi Markus Reshfordning transferini ma'qulladi. Bu haqda jurnalist va insayder Matteo Moretto xabar berdi.

Manbaga ko'ra, yaqin kunlarda transfer bo'yicha tomonlar o'rtasida yangi aloqalar bo'lishi kutilmoqda. Qayd etilishicha, “Barselona” rahbariyati ham 27 yoshli angliyalik futbolchining transferiga ochiq.

Shuningdek, Reshford "blaugrana"ga o'tishni birinchi o'ringa qo'ygani ta'kidlangan. Muzokaralar kelgusi haftalarda davom etishi mumkin.

O'tgan mavsumda Markus Reshford 41 ta o'yinda maydonga tushib, 11 ta gol urdi va 9 ta golli uzatmani amalga oshirdi.