"Barselona" darvozaboni Mark-Andre ter Shtegen yozda klubini o'zgartirishni rejalashtirmayapti. Yaqinda "ko'k-anorranglilar" bosh murabbiyi Xans-Diter Flik 33 yoshli darvozabonga yuzma-yuz uchrashuvda yangi mavsumda "birinchi raqam" u emas, balki yangi kelgan Joan Garsiya bo'lishini aytgandi. Jurnalist Ashraf Ben Ayadning so'zlariga ko'ra, ter Shtegenning rejalari o'zgarmayapti - u hamon qolish niyatida va Kataloniya grandi asosiy tarkibidagi o'rnini qaytarib olishga qat'iy qaror qilgan.

Mark-Andre ter Shtegenning "Barselona" bilan amaldagi mehnat shartnomasi 2028 yilning yarmigacha mo'ljallangan. Germaniyalik futbolchi 2014 yildan beri jamoa sharafini himoya qilib kelmoqda.