"Manchester Yunayted" hujumchisi Markus Reshford "Barselona"ning asosiy transfer maqsadi bo'lib turibdi. Bu haqda jurnalist Florian Plettenberg X ijtimoiy tarmog'ida ma'lum qildi. Kataloniya klubi "Liverpul"dan Luis Diasni olish fikridan qaytgach, angliyalik hujumchiga e'tibor qaratdi.

"Ko'k-anorranglilar" bosh murabbiyi Xans-Diter Flik allaqachon Reshfordning transferiga rozilik bergan. Avvalroq, "Atletik" vingeri Niko Uilyamsning transferi barbod bo'lgan va u hozirgi klubi bilan yangi uzoq muddatli shartnoma imzolagandi.

O'tgan mavsumning ikkinchi yarmida ingliz "Aston Villa"da ijarada o'ynadi. Hujumchi barcha turnirlarda 17 ta o'yin o'tkazib, to'qqizta gol urgan.