"Barselona" prezidenti Joan Laporta klubning moliyaviy holati haqida gapirdi.

Kataloniya grandi hali ham o'yinchilarni ro'yxatdan o'tkazishda muammolarga duch kelmoqda va qimmat shartnomalarni sotib ololmayapti.

"Biz oylik miqdorini qisqartirish ustida ishlaymiz, lekin takliflar bo'lsa-da, katta sotuvni amalga oshiramiz deb o'ylamayman. Bu muxlislarimiz sevib qolgan jamoaviy ruhga salbiy ta'sir ko'rsatgan bo'lardi. Biz bu ruhni, bu sehrni saqlab qolishni istaymiz," - deya Laportaning so'zlarini keltiradi BarcaTimes.

Joriy transfer oynasida "Barselona" Pau Viktor, Pablo Torre va Aleks Valeni sotdi, Ansu Fati ham ijaraga ketdi.