"Barselona" hujumchisi Robert Levandovski yosh jamoadoshi Lamin Yamal haqida o'z fikrini bildirdi.

"Lamin yosh, hozir 18 yoshda, ammo u kattalarday fikrlaydi. Ha, u juda iqtidorli, shu bilan birga yaxshi inson ham. Maydondan tashqarida ham munosabatimiz a'lo darajada. Ishonchim komilki, bu mavsumda Lamin o'tgan mavsumga qaraganda yaxshiroq o'ynaydi, chunki u bir yosh ulg'aydi, shuningdek, vaqt va mehnat uning foydasiga ishlayapti, bu tabiiy hol. Menimcha, Lamin yildan-yilga o'z o'yinini yanada takomillashtirib boradi," - deya Levandovskining so'zlarini keltirmoqda Sport.es.

O'tgan mavsumda Yamal 55 ta o'yinda maydon to'riga tushib, 18 ta gol urdi va 25 ta golli uzatma bajardi.