"Barselona"ning yangi a'zosi Markus Reshford jamoadagi dastlabki o'yindan keyin o'z fikrlarini bildirdi.

Angliyalik futbolchi Yaponiyaning "Vissel Kobe" jamoasi bilan o'rtoqlik uchrashuvida ishtirok etib, 78-daqiqada zaxiraga olindi. Uchrashuv 3:1 hisobida "ko'k-anorranglilar"ning g'alabasi bilan yakunlandi.

"Xansi Flik qo'l ostida yaxshi o'yin ko'rsatishimga ishonaman. Jamoaga muvaffaqiyatga erishishda yordam berish uchun murabbiyning ko'rsatmalariga quloq solishim va ularni amalda qo'llashim kerak," - deya 27 yoshli vingerning so'zlarini keltiradi Ispaniya OAV.