Rossiya chempionati 13-turidan o‘rin olgan «Zenit» hamda «Rostov» jamoalari o‘rtasidagi o‘yin oldidan har ikki jamoa murabbiylari o‘rtasida matbuot anjumani o‘tkazildi. Unda qatnashgan Sergey Semakdan «Rostov» safidagi yorqin o‘yin ko‘rsatayotgan Eldor Shomurodov haqida so‘rashdi.
«Biz har bir o‘yinchini o‘rganamiz, shu o‘rinda Shomurodovni ham. Eldor juda yaxshi o‘yin ko‘rsatmoqda, u joriy mavsumning kashfiyotiga aylanmoqda»,— dedi Semak.
Rossiya chempionatining ortda qolgan 12-turidan so‘ng Moskvaning «Lokomotiv» klubi 26 ochko bilan yetakchilik qilmoqda. «Rostov» va «Zenit»da ham 26 ochko bor. Karpin jamoasi ikkinchi, peterburgliklar 4-o‘rinda bormoqda. «Zenit» — «Rostov» o‘yini 19 oktyabrida o‘tkaziladi.