"Barselona" darvozaboni Joan Garsiya Ispaniya chempionatining yangi mavsumi boshlanishini o'tkazib yuborishi mumkin.

Marca xabariga ko'ra, "Barselona" rahbariyati Inyaka Penya ketgan taqdirda ham yangi darvozabon Joan Garsiyani qaydnomaga kirita olmaydi. Sababi, kataloniyaliklar hamon La Liganing "birga bir" moliyaviy qoidasiga mos kelmayapti.

"Ko'k-anorranglilar" bu darvozabonni joriy yozda "Espanol"dan 25 million evro evaziga xarid qilgan edi. O'tgan mavsumda 24 yoshli ispaniyalik futbolchi Ispaniya chempionati doirasida 38ta o'yinda maydonga tushib, 8 marta o'z darvozasi daxlsizligini saqlab qoldi.

"Barselona" yangi mavsumning dastlabki o'yinini 16 avgust kuni "Malorka"ga qarshi o'tkazadi.