"Barselona" yarim himoyachisi Gavi markaziy himoyachi Inigo Martinesning klubni tark etishi haqida gapirdi.

34 yoshli futbolchi Saudiya Arabistonining "An-Nasr" klubiga o'tadi. Tez orada bitim rasman tasdiqlanadi.

«Hayotingizning yangi bobida omad yor bo'lsin, aka. Sizni sog'inib qolaman, jangchim," - deb yozdi Gavi ijtimoiy tarmoqda Inigo bilan tushgan rasmini joylab.

Martines "ko'k-anorranglilar" safida ikki yil to'p tepdi. O'tgan mavsumda u Ispaniyada barcha ichki sovrinlarni qo'lga kiritgan va Chempionlar Ligasi yarim finaliga chiqqan Xans-Diter Flik jamoasining asosiy o'yinchilaridan biri edi.