Markaziy himoyachi Inigo Martines "Barselona"dan "An-Nasr"ga o'tdi.

Ispaniyalik futbolchi Saudiya klubiga erkin agent sifatida borib qo'shildi - ketishidan oldin 34 yoshli futbolchi "ko'k-anorranglilar" bilan shartnomani o'zaro kelishuvga ko'ra bekor qildi. Diario Sport xabariga ko'ra, Martines "Barselona"ni tark etish niyatida bo'lmagan, ammo "An-Nasr"ning taklifi juda jozibali bo'lib chiqdi - u Kataloniyadagiga qaraganda deyarli ikki baravar ko'p maosh oladi.

Inigo Martines 2023 yilning yozidan buyon "Barselona" sharafini himoya qilib kelayotgan edi. Bu vaqt ichida futbolchi "ko'k-anorranglilar" safida 71 ta o'yin o'tkazdi.