23 avgust, shanba kuni "Barselona" La Liga 2-turidan o'rin olgan bahsda "Levante" mehmoni bo'ladi. Diario Sport xabariga ko'ra, kataloniyaliklar bosh murabbiyi Xans-Diter Flik hujum chizig'ida birinchi o'yindagi kabi uchlikni maydonga tushirishni rejalashtirmoqda: chapda yana Rafinya, o'ngda Lamin Yamal, oldingi chiziqda Ferran Torres. Germaniyalik murabbiy oldingi o'yindagi o'yinchilarning harakatlaridan mamnun.

Eslatib o'tamiz, Ispaniya chempionatining 1-turida "Barselona" "Malorka"ni tor-mor etgandi - 3:0. Yuqoridagi hujumkor uchlikning har biri bittadan to'p kiritdi.

"Ko'k-anorranglilar"ning "Levante"ga qarshi uchrashuvi Toshkent vaqti bilan 00:30da boshlanadi.