«Barselona» Chempionlar ligasi o'yini oldidan «Atletiko» stadionidagi maysa balandligi bo'yicha shikoyat qildi.

Chorak finalning javob uchrashuvi seshanba, 14 aprel kuni «Metropolitano» stadionida bo'lib o'tadi. Dastlabki bahsda «Atletiko» 2:0 hisobida g'alaba qozongan edi.

Avvalroq, kataloniyaliklar bosh murabbiyi Xans-Diter Flik mashg'ulot vaqtida UEFA delegatlariga «Atletiko» uy stadionidagi maydon holati yuzasidan e'tiroz bildirgani ma'lum bo'lgan edi.

Marca nashrining xabariga ko'ra, «Barselona» UEFAdan «Metropolitano» maydonidagi maysa balandligini o'lchashni so'ragan. Chunki haddan tashqari baland o'sgan maysa to'p harakatini sekinlashtiradi. Reglamentga ko'ra, maysa balandligi butun maydon bo'ylab bir tekisda 3 santimetrdan oshmasligi kerak. «Atletiko» vakillari esa maydon ushbu talablarga javob berishini va uning holati sezilarli darajada yaxshilanganini ta'kidlamoqdalar.

UEFA «Barselona»ning so'roviga javoban, agar qoidabuzarlik aniqlansa, maysani kaltaroq qilib o'rib qo'yishga tayyorligini bildirdi. Shu bilan birga, qayd etilishicha, agar maydon belgilangan parametrlarga mos kelmaganida, kataloniyaliklarga o'yindan oldingi mashg'ulotni u erda o'tkazishga ruxsat berilmagan bo'lardi.

???????????? Hansi Flick appeared to complain about the condition of the grass at the Metropolitano.@eldesmarque pic.twitter.com/yXy17H2O4i

— Atletico Universe (@atletiuniverse) April 13, 2026