"Barselona" navbatdagi uy o'yinini "Kamp Nou"da o'tkazishga ruxsat olishga umid qilmoqda. Bu haqda Sport.es sayti xabar bermoqda.

Jamoa tarixiy voqeani boshdan kechirishga tayyorlanmoqda: ikki yillik qurilish ishlaridan so'ng o'z stadioniga qaytish. Manba ma'lumotlariga ko'ra, "Barselona" vakillari yaqin kunlarda barcha zarur ruxsatnomalarni olib, 14 sentyabr kuni "Valensiya"ni yangilangan maydonda qabul qilishiga ishonch bildirmoqda.

Eng yomon holda, "Kamp Nou"ning ochilishi bir haftaga qoldiriladi. 21 sentyabr kuni "Barselona" "Xetafe" bilan uchrashadi.

Dastlab tomoshabinlar uchun faqat 27 ming o'rin mavjud bo'ladi. Quruvchilarning so'nggi ishlari yakunlanishi bilan tomoshabinlar soni asta-sekin ko'payib boradi.