«Barselona» chap qanot himoyasi uchun yangi nomzodlarni ko'rib chiqmoqda. Diario Sport nashrining xabar berishicha, «ko'k-anorranglilar»ning short-listidan «Bayer» a'zosi Alexandro Grimaldo, «Yuventus»dan Andrea Kambyaso va «Nyukasl» futbolchisi Lyuis Xoll joy olgan.

Biroq, manbaning aniqlik kiritishicha, chap qanot himoyasi uchun xarid faqat Alexandro Balde yoki Jerar Martin jamoani tark etgan taqdirdagina amalga oshiriladi.

Grimaldo 15 million evro evaziga sotib olinishi mumkin va u «Barsa»ga qaytishga tayyor. Kambyasoning transferi esa taxminan 30 million evroga tushadi. Lyuis Xoll Chempionlar ligasi doirasida «Nyukasl»ga qarshi kechgan so'nggi uchrashuvlarda kataloniyaliklarda katta taassurot qoldirgan, ammo «zag'izg'onlar» uni qo'yib yuborishni istamayotgani sababli angliyalik futbolchini qo'lga kiritish qiyin kechadi.