"Barselona" futbolchisi Dani Olmo jamoa bosh murabbiyi Xans-Diter Flikning jamoada xudbinlikka yo'l qo'yib bo'lmasligi haqidagi so'nggi bayonotiga munosabat bildirdi.

La Liganing uchinchi turida "Rayo Valekano"ga qarshi o'yindan so'ng (1:1) germaniyalik murabbiy "ko'k-anorranglilar" muvaffaqiyatga erishishi uchun xudbinlikni yo'q qilish va o'tgan mavsumdagidek bir butun bo'lish kerakligini aytdi.

"Flik bizga aytmagan gapini hech qachon ommaga aytmaydi. Klubda hech qanday muammo yo'q, jamoa ichida ajoyib muhit," - deya Olmoning so'zlarini keltiradi Managing Barca.