"Barselona" yarim himoyachisi Fermin Lopes jamoadoshi Gavi bilan ziddiyatga borgani haqidagi ma'lumotni rad etdi.

Ikki xavbek o'rtasidagi keskin munosabatlar haqidagi mish-mishlar avgust oyida paydo bo'ldi. Xabar qilinishicha, Gavi hatto klub rahbariyatiga murojaat qilib, Ferminni sotishni so'ragan.

"Gavi mening do'stim bo'lib qoladi. Odamlar har doim taxmin qilishadi, lekin o'rtamizda muammo yo'q. Biz 12 yoshimizdan beri do'stmiz. Men Gavini "Betis" akademiyasida o'ynagan vaqtimdan beri bilaman, "La Masiya"ga kelganimdan beri u menga ukamdek bo'lib qolgan," - dedi Lopes Mundo Deportivo nashriga bergan intervyusida.