«Barselona» yarimhimoyachisi Frenki de Yong Niderlandiya terma jamoasi safini jarohat sabab tark etdi. Marca xabaricha, futbolchi son orqasidagi mushakda kichik noqulaylik his qilmoqda.Manba ma'lumotiga ko'ra, 8 sentyabr, dushanba kuni u Barselonada qo'shimcha tibbiy ko'rikdan o'tadi. Shu tekshiruv natijasiga ko'ra, futbolchi 14 sentyabr kuni «Valensiya»ga qarshi La Liganing 4-tur o'yinida maydonga tushishi mumkin yoki yo'qligi ma'lum bo'ladi. Niderlandiya terma jamoasi shifokorlari o'tkazgan dastlabki ko'rik esa de Yongning jarohati jiddiy emasligini ko'rsatdi.De Yong joriy mavsum La Liganing ikki o'yinida ishtirok etdi. Uning klub bilan amaldagi shartnomasi 2026 yil yozigacha mo'ljallangan.