"Barselona" bosh murabbiyi Xans-Diter Flik La Liga doirasidagi "Valensiya"ga (6:0) qarshi o'yindan so'ng o'z taassurotlari bilan o'rtoqlashdi.

"O'yin boshidagi va albatta ikkinchi bo'limdagi o'yinimizdan qoniqdim. Biz o'ta e'tiborli edik, yuqori intensivlik bilan harakat qildik - aynan shunday futbol o'ynashni xohlaymiz. Biz uchun ajoyib kecha. Har bir futbolchi, shu jumladan zaxiradan maydonga tushgan futbolchilar ham jamoa uchun borini berdi," - deya Flikning so'zlarini keltiradi The Touchline.