"Barselona" jamoasi bosh murabbiyi Xans-Diter Flik bir yil ichida ilk bor o'yinda ishtirok etgan yarim himoyachi Mark Bernal haqidagi savolga javob berdi.

18 yoshli futbolchi "Valensiya"ga qarshi o'yinning 81-daqiqasida (5:0) zaxiradan maydonga tushdi va 86-daqiqada Robert Levandovskiga golli pas berdi.

"Bernalning qaytishi - bugungi kundagi eng muhim voqea. Muxlislarning xursand bo'lganini ko'rdingiz. Bu hissiy lahza, chunki Mark bir yil davomida o'ynamadi. U ko'p mehnat qildi, men uning uchun xursandman," - deya Flikning so'zlarini keltiradi Ispaniya OAV.