Payshanba kuni "Barselona" La Liga doirasida safarda "Real Ovedo" ustidan g'alaba qozondi (3:1). Robert Levandovski 65-daqiqada zaxiradan maydonga tushdi va 70-daqiqadayoq "ko'k-anorranglilar"ni hisobda oldinga olib chiqdi.

"Mavsumoldi yakunida jarohat oldim, shuning uchun formaga kirish uchun vaqt kerak bo'ldi. Hozir o'zimni yaxshi his qilyapman. Oldinda ko'plab o'yinlar bor, sabr-toqatim etarli. Men uchun eng muhimi - gol urish va jamoaga yordam berish," - deydi intervyuda 37 yoshli futbolchi.

Robert Levandovski Ispaniya chempionatining joriy mavsumida beshta o'yinda uchta gol urdi.