"Barselona" bosh murabbiyi Xans-Diter Flik La Liga 7-turidan o'rin olgan "Real Sosedad"ga (2:1) qarshi o'yindan so'ng o'z fikrlarini bildirib o'tdi.

Uchrashuvning 31-daqiqasida mehmonlar hisobni ochgan bo'lsa, bunga "ko'k-anorranglilar" birinchi bo'lim so'ngida Jyul Kundening goli bilan javob qaytardi. G'alaba to'pini 59-daqiqada Robert Levandovski kiritdi.

"Oson bo'lmadi, lekin biz uch ochkoga loyiq edik. O'tgan o'yindan keyin tiklanish uchun atigi 68 soat vaqtimiz bor edi, ammo barcha o'yinchilar fantastik ish olib borishdi va bor kuchlarini berishdi. O'yinimiz menga yoqdi. Bizga kuchli raqib qarshilik ko'rsatdi, ammo ko'plab vaziyatlar yaratdik," - deya Flikning so'zlarini keltiradi Barca Universal.