"Barselona" 21 oktyabr kuni EChLda ilk bor "Kamp Nou"da o'ynaydi.

UEFA Chempionlar Ligasi umumiy bosqichining 3-turidan o'rin olgan "Barselona" - "Olimpiakos" uchrashuvi o'tkaziladigan joy sifatida "Kamp Nou"ni ko'rsatdi.

Eslatib o'tamiz, "Barselona" xavfsizlik bilan bog'liq muammolar tufayli hamon shahar kengashidan "Kamp Nou"da o'ynashga ruxsat olmagan. Jamoa katta ehtimol bilan 18 oktyabr kuni La Liga doirasida "Jirona"ga qarshi o'yinda stadionga qaytishi haqida xabar berilgandi.

Kataloniyaliklar Chempionlar ligasining navbatdagi o'yinini "PSJ"ga qarshi "Olimpik Lyuis Kompanis"da o'tkazadi - o'yin 1 oktyabr, chorshanba kuni bo'lib o'tadi.